لحظة وداع اقسى من الموت يا صاح ..!!

صباح & مساء الخير
انثر بين ايديكم قصيدة متواضعه جداً وبدون والله مبالغه
واتمنى ان تصل الى جزء جزء من ذائقتكم ايها الكرام ..
:::::::::::::::::::::::::::
قــال اسـتـمـع مـنّي قبل لحظة وداع..
ياللـي غـلاك بداخل القلب مزروع

وارجوك لا تنسى وليف ٍ لك انصاع..
ومن وين ماودّك يجي دايم ٍ طوع

يـفـرح بـشوفـك وان تغـيـّبت يلتاع ..
يغليك من قـلبه ويضويلك شموع

قـدّر ظـروفـه وافـتـهم كل الأوضاع..
لا تزيد هم القلب و القـلـب موجوع

لا تحسبنّي يـا هـوى الـبـال قـطّاع ..
ولا تحسبنّي في العشاشيـق مخدوع

والله فلا غيرك سـكـن بـين الأضلاع ..
ومهما يطول الوقت لك قدر مرفوع

ياما عـشانـك ساهـر ٍ بـين هجّـاع ..
أهـلّْ دمـع العين والقلب مفزوع

اقـولـها صـادق ولا نـيـب خـدّاع ..
ماهوب أنا اللي مِنْه الأحساس منزوع

وقال الـوداع ابَّـسمة ٍ حلو الأطـباع ..
قـصـده يـواسيني وأنا كلّي دموع

اقفى وانا من ما حصل صـرت مرتاع ..
مـدري حقـيقه أو تصاريف دلوع

اقفى وقـلـبي داخـله هـم وأوجاع ..
انا اشهد أنّه لاعني صاحبي لوع

ما يرجعه دمـع ٍ ولا عض الأصباع ..
خـلاص أنا من شوفة الخل ممنوع

لا واحسايف حلمنا في الهوى ضـاع ..
والله يعـين القلب لا صار مفجوع

وسلامتكم
الــ شــ هجير ــوق

عدد الرسائل : 38 تاريخ التسجيل : 16/04/2008

هجير الشوق

مشاعر جميله وحساسه

اخي العزيز

اسطرت قلبي بكلماتك

عبره نهر عقلي بوصفك وحساسك

عجز حبري باعطاك الحق في مطرحك الرائع

تقبل مروري

سكرانه بخمر الدلع

يسـلـــــمــووووووووو يالغلا ... على مرورك اللطيف

اللي منور صفحتي

تحيااتي ...،
الــشــ هجير ــوق